Hermann Bauer - zur Homepage auf das Bild klicken. 

Ich bin ein großer Fan von Peter Rosegger, Ludwig Thoma und Oskar M. Graf.
Zumindest ich finde ihn teilweise auch heute noch zeitgemäß. Manche Themen und Bräuche, die Rosegger beschreibt, sind heute noch aktuell, andere erinnern an die eigene Kindheit.

Erzählungen: Alois, der Kraxenträger  und  das Lied des Waldes

Da Schorsch und da Sepp

Da Schorsch, a Beamta aus Minga*
Mei, hod der gepflegte Finga
Zum awad'n hod a zwoa linke Händ'
Drum hockt a im Büro rum und pennt

Da Sepp, dea awad auf 'm Bau
Danach schaugt a imma aus wia a Sau
Der arme Hund muass se wirkle plong
O'ms um zehne braugst den nix mehr frong

Im Winta fahrt da Schorsch nei in de Äup'n
Und tobt se aus in da Langlaufloip'n
Ea schind se ab, der dumme Mo
Dass a auf d' Nacht nix mehr o'stoin ko

Ganz andas is beim Sepp
Der sogt se, i bin doch koa Depp
Dea lasst im Urlaub olle Viere grod sei
Bloss zum abkühl'n schpringt a ins Meer nei

Mancha, dea se 's ganze Johr von da Awad druckt
Dea weagld in de Ferien wia varruckt
Da Weagla dageng boizt se liaba mit sei'm Wei
Und lasst an Herrgott an guad'n Mo sei

* Minga = München

Zurück nach Haus

Ich sehne mich nach Haus zurück
Dort, wo ich meine Kindheit verbrachte
Dort, wo ich spielte, sang und lachte
Wo die Vögel meine Freunde waren
Was Grillen zirpten, wollte ich erfahren

Oft saß ich nachts am Fenster
Schatten huschten wie Gespenster
Und dahin sehne ich mich zurück

Ich sehne mich nach Haus zurück
Doch meine Sehnsucht ist nur ein Traum
Ich kann niemanden mehr vertrau'n
Enttäuschungen fielen über mich her
Das Zuhause des Kindes gibt es nicht mehr

Ich muss nun auf neuen Wegen geh'n
Die Wolken werden mit mir zieh'n
Vielleicht haben sie das zuhause geseh'n

Jetzt spinnt a ganz

Früher war a im Urlaub auf da Benedikt'nwand
A Bundhos'n war sei typisch' Gwand
Nächst's Johr mecht a a Kreizfahrt macha
Des is doch zum Lacha

Ja, ja, da Hans, jetzt spinnt a ganz

Früher hod a zur Brotzeit an Leberkas gess'n
Des konnst heid bei eam vagess'n
Heid muass Hummer und Kaviar sei
Seine Designerklamott'n san imma nei

Ja, ja, da Hans, jetzt spinnt a ganz

Früher is a mit 'm Käfer rumg'fahr'n
Heid braucht a an Porsche-Karr'n
Damois hod a no zur Miete g'haust
Heid hod a a Kitschvilla, mir graust 's

Ja, ja, da Hans, jetzt spinnt a ganz

Früher war a ehrlich, zünftig und immer froh
Jetzt macht a Karriere, wer ko der ko
Er geht über Leichen, Hauptsach 's Geld stimmt
De Quittung, de kriagt a bestimmt

Ja, ja, da Hans, jetzt spinnt a ganz

Sei Resi is eam jetz nimma guat gnua
Er mecht d' Scheidung und gibt koa Ruah
Des junge Gmias, des is eam jetz liaba
Dea äude Depp macht Sachan, mei liaba Schiaba

Ja, ja, da Hans, jetzt spinnt a ganz

Des Haufa Geid hod da Hans ned g'wunna
De Staatsanwaltschaft is eam jetzt draufkumma
War a blos bescheid'n und ehrlich blie'm
Jetz kockt da Hans im G'fängnis drin

Ja, ja, da Hans, ja, ja, da Hans ...

De bläde Fast'nzeit

An Ranz'n hob i beinand'
Es is a wahre Schand
Sogor zum Schuabandlbind'n
muass i mi obschind'n

Do kummt ma de Fast'nzeit grod recht
I denk ma, des is ned schlecht
D's Bier bleibt im Keller
Dann gehts Abnehma schneller

Bläd is', wenn i vorm Fernseher hock
und sieg de Weabung von Bier und Bock
Dann denk a ma, oa Bier war jetz' guad
I brich mein Vorsatz, danoch hob i a Wuat

Bläd is', wenn da Sepp vorbeikimmt
und an Ries'n Durscht mitbringt
Er sogt: A poor Bier macha nix aus
Aber 's G'wicht geht wieder nauf

Bläd is', wenn i auf a Geburtstagsfeier bin
Dann denk a ma, i glaab i spinn
Alle schlemma und saufa Wein und Sekt
Und i wer' mit mei'm Mineralwasser dableckt

Bläd is', wenn de Weihnachtszeit kummt
Dann san ma ausnahmsweis Lebkuacha vagunnt
Obnehma konn ma ja wieder in da Fast'nzeit
Aber bis dahin is no so weit

Texte © Copyright Hermann Bauer